29.12.2021Ақпарат мектеп жасына дейінгі балаларға арналған ойындар фестивалінің қорытындысы бойынша «30 ЖЫЛДЫҚҚА 30 ОЙЫН» (Қазақстан Республикасы Тәуелсіздігінің 30 жылдығына 30 ойын)
Қазақстан Республикасы Білім және ғылым министрлігінің «Балаларды ерте дамыту институты» Қазақстан Республикасы Тәуелсіздігінің 30 жылдығына арналған «30 жылдыққа 30 ойын» мектеп жасына дейінгі балалардың ойындар фестивалін Республика көлемінде ұйымдастырып өткізді.
Ойындар фестивалінің мақсаты: мектеп жасына дейінгі балаларды Тәуелсіздіктің жасампаздығын құрметтеуге, Отансүйгіштікке тәрбиелеу, дені сау, дербес, білуге құмар, көпшіл, сын тұрғысынан ойлайтын балаларды қалыптастыру.
Міндеттері:
- балалардың ойын дағдыларын, танымдық белсендiлiгiн арттыру;
- командада жұмыс icтey дағдыларын дамыту;
- мақсатқа жетуде белгiленген ережелердi сақтауға үйрету;
- Отанына, елiне, туған өлкесiне деген сүйiспеншiлiктерiн, ұлттық құндылықтарды дәріптеуге тәрбиелеу болып табылады.
Ойындар фестивалінде мектеп жасына дейінгі балалардың жас ерекшеліктеріне сәйкес келесідей ойын түрлері: «Ұлттық ойындар», «Сюжеттік-рөлдік ойындар», «Үстел үсті ойындар», «Театрландырылған ойындар», «Қимылды ойындар» ұйымдастырылды. Ойындар фестивалінде мектепке дейінгі ұйымдардың балалары мен педагогтері белсенділік танытып, мектепке дейінгі ұйымдардан 100-ден аса жұмыстар ұсынылды.
Ережеге сәйкес педагогтермен ұйымдастырылған 55 ойын түрі Институттың http://irrd.kz/ сайты мен әлеуметтік желідегі парақшаларында жарияланды. Фестиваль қорытындысы бойынша үздік деп танылған 30 ойын түрі электронды әдістемелік құралға енгізілді.
Үздік деп танылған ойындарды ұйымдастырушы педагогтер Тәуелсіздіктің 30 жылдығына арналған ойындар фестиваліне белсене қатысып, өскелең ұрпақты тәрбиелеу мен дамытудағы кәсіби шеберлігі үшін Институттың арнайы Грамоталарымен марапатталды.
«Ұлттық ойындар»
Ұлттық ойын «Қуыр-қуыр қуырмаш»
«Үстел үсті ойындар»
«Сюжеттік-рөлдік ойындар»
«Қимылды ойындар»